Ньурба улууһун Чуукаар нэһилиэгэ бэрт көхтөөхтүк олорор.
Бу туһунан Чуукаар олохтооҕо Сэргэн Лэкээрин иһитиннэрэр:
— Биһиги Ньурба улууһун Чуукаар нэһилиэгин олохтоохторо сайыммытын туһалаахтык атааран кэлэр кыстыкка бэлэмнэнэбит. Ол курдук бөһүөлэкпит тупсаҕай көрүҥнээх буолуон баҕарар буоламмыт олохтоох дьаһалта көҕүлээһининэн субуотунньуктарга кытынныбыт. Ол курдук балаҕан ыйыттан субу алтынньыга диэри бары тэрилтэлэр санитарнай ирдэбили тутуһан Андайбыт сиригэр-уотугар политсыылынай Самуил Моисеевич Стрижевскай кэриэһигэр турбут кэрэх миэстэни бөҕүн-сыыһын ыраастаан, чөкөтөн сыбаалкаҕа тиэйдибит. Нэһилиэк эр дьоно ыксаллаах быһыы-майгы бөртөлүөтэ түһэр сирин күрүөлээтилэр, нэһилиэк сыбаалкатын ыраастаатылар. Аны билигин олохтоох дьаһалта нэһилиэккэ уот тардан сырдатыы үлэтэ бара турар.
Бу курдук Чуукаар олохтоохторо кыстыгы ыраастык көрсөргө бэлэмнэрэ атын нэһилиэктэргэ холобур буолуох тустаах.
Ульяна ЗАХАРОВА, edersaas.ru