Чуукаар оҕолоро Тымныы оҕонньору түннүгүнэн көрөн, остуоруйаны итэҕэйдилэр

Ааптар: 
Бөлөххө киир:

“Кыһын Саха сириттэн саҕаланар” кыһыҥҥы бэстибээл  чэрчитинэн Ньурба улууһун Чуукаар нэһилиэгин норуот айымньытын киинэ Саха сирин араас муннуктарыгар олорор биир дойдулаахтарын куйаар ситиминэн быһа эпииргэ түмтэ.

edersaas.ru

Бу туһунан киин уус-уран салайааччыта Лэкээрин Сэргэн кэпсиир:

— Күнүс үс чаастан саҕалаан, тэрийээччилэр Тымныы Оҕонньору  массыынаҕа олордо сылдьан, бары тэрилтэлэри, түөлбэлэри кэрийдибит.

Аара дьаһалтаҕа нэһилиэк салалтатын таһырдьа  көрсөн, эҕэрдэлээн аастыбыт.

Онтон суолбутугар турар  оҕо уһуйаанын кыраачааннарын Тымныы оҕонньор түннүгүнэн көрсөн, остуоруйа түгэнин бэлэхтээн ааста.

Оҕолор барахсаттар таһырдьа көстөн ааспыт күүтэр да күүтэр күндү Тымныы оҕонньордорун көрөн, наһаа соһуйдулар да, үөрдүлэр да. Биир оҕо таҥнан тахсаат, хоһоон ааҕар киһи буолан биэрдэ.

Ол кэнниттэн «Быһа эпииргэ» аһаҕас күрэс түмүктэрин таһаардыбыт.

Киэһэ алта чааска: “Биир, икки, үс! Күөх харыйабыт, сандаар!” диэн аптаах этиини бары күргүөмүнэн этэн, нэһилиэкпит Саҥа Дьыллааҕы харыйатын уотун күлүмүрдэтэ уматтыбыт.

Бу курдук Чуукаарбытыгар Саҥа дьыл тыына билиннэ!

Елена ПОТОЦКАЯ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0