Чурапчыттан Зоя Дмитриева Лос-Анджелеска олимпиадаҕа кыттыаҕа

10.01.2019

Бөлөххө киир:

Чурапчы Чыаппаратыттан төрүттээх 8 саастаах Зоя Дмитриева «Start Up 2019» диэн Москваҕа буолбут куонкуруска «Хореография» салааҕа Гран-прины ылла. Бу кыайыы киниэхэ Лос-Анджелестааҕы «World Stars» диэн норуоттар икки ардыларынааҕы талааннаах оҕолор олимпиадаларыгар кыттар кыаҕы биэрэр. Олимпиада быйыл от ыйыгар буолуоҕа.

Зоя чугас дьоно кырачаан кыыс ситиһиититтэн олус үөрдүлэр. Оҕо эрдэҕиттэн Зоя Америкаҕа бара сылдьыан баҕарар эбит. Ону кытта, тэрийээччилэр Зояны оҕолорго аналлаах «Prince & Princess of the Universe 2019» диэн норуоттар икки ардыларынааҕы куонкуруска ыҥырбыттар. Онно кыттан, кыыс «Little Princess of the Universe 2019» уонна «Best in National Costume 2019» анал ааттары кыайбыт. Салгыы «Мини-Мисс и Мини-Мистер России 2019» куонкуруска кыттар кыахтаммыт.