Чурапчытааҕы гимназия учуутала Сардаана Гоголева Арассыыйатааҕы куонкурус финалыгар ааста

Чурапчытааҕы гимназия саха тылын уонна литературатын учуутала Сардана Николаевна Гоголева «Төрүт тыл уонна литература бастыҥ учуутала» диэн Бүтүн Арассыыйатааҕы куонкуруска кытта сылдьар. Бүгүн кини 15 бастыҥнар кэккэлэригэр киирэн, салгыы финалга күрэхтэһэр быраабы ылла.

Күрэхтэһии кэтэхтэн түһүмэҕин ааспыт Арассыыйа 83 эрэгийиэнин учууталлара балаҕан ыйын 11 күнүттэн Ставрополь куоракка түмүстүлэр.

Манна учууталлар  «Методическая мастерская», «Урок», «Классный час» уонна «Мастер-класс» түһүмэхтэргэ илин-кэлин түһүстүлэр. Бу түмүгэр Сардаана Гоголева төрүт тылы уонна литератураны үөрэтэр Арассыыйа 15 бастыҥ учууталын иһигэр киирдэ.

Кини салгыы финалга күрэхтэһиэҕэ.