Чурапчытааҕы “Айылгы” норуот айымньытын дьиэтэ РФ култуура министэристибэтэ ыытар “Дом культуры. Новый формат” Бүтүн Арассыыйатааҕы куонкуруһугар кыайда.
Кэнники сылларга дойду бырабыыталыстыбата култуура дьиэлэрин саҥардыыга, хааччыйыыга 10 миллиард солкуобайтан тахса үбү көрбүтэ. Быйыл министиэристибэ маннык хабааннах иккис күрэһин ыытта.
Былырыын 43 эрэгийиэнтэн 85 сайаапка киирбит эбит буоллаҕына, быйыл 77 эрэгийиэнтэн 170 бырайыак сайаапкаласта. Онон интэриэс улахан. Куонкурус үс хайысханан ыытыллар: тыа сирин кулууптарыгар, оройуон уонна эрэгийиэн таһымыгар үлэлиир култуура дьиэлэригэр.
Чурапчытааҕы “Айылгы” култуура уонна духуобуйна сайдыы киинэ бу куонкуруска кыайбыта улахан үөрүүлээх сонун. Бу иннинэ РФ үп министиэристибэтэ ыыппыт күрэһэр кыайан, өрөмүөн үлэтэ ыытыллыбыта.
Ангелина Васильева, “Саха сирэ” хаһыат, edersaas.ru