Чурапчылар саҕалаабыт аһымал аахсыйалара үгүс нэһилиэктэргэ тарҕанна

Бөлөххө киир:

Чурапчы улууһугар үгэскэ кубулуйбут «Чурапчыга Ньукуолун күнэ» аһымал аахсыйата бэрт ситиһиилээхтик ааста. Быйыл аахсыйа кыттыылаахтара Чурапчы 88 ытык кырдьаҕаһын куһунан күндүлээтилэр. 

Бырайыак көҕүлээччилэринэн урбаанньытар Айсен Толстоухов  уонна Айсиэн Лавров буолаллар.  Быйылгы аахсыйаҕа   «Айылгы» киинин исписэлииһэ  Ярослав Лебедев, Чурапчытааҕы оскуола-интэринээт  учууталлара, улуус ыччатын координационнай сэбиэтин чилиэннэрэ көхтөөхтүк кытыннылар.

«Биһиги саҕалаабыт аахсыйабытын атын улуустар эмиэ хаба тардан ылан ыыппыттара хайҕаллаах. Быйыл куһу таһынан өссө «Универсам» маҕаһыынтан ас-үөл нобуорун уонна сувенирдары туттардыбыт», — диэн улуус баһылыга Андрей Ноговицын иһитиннэрдэ.

Чурапчы улууһун дьаһалтатын  пресс-сулууспата

+1
0
+1
0
+1
0
+1
0
+1
0
+1
0
+1
0