Уопсастыба

Чурапчылар саҥа IT-кииннэннилэр



Чурапчылар аныгы үйэ дохсун уонна тэтимнээх хардыытыттан хаалсыбаттар. Бэҕэһээ саҥа IT-кииҥҥэ СӨ Бырабыыталыстыбатын бэрэссэдээтэлэ Андрей Тарасенко сырытта.
Кини: «Бу IT-киин дьоҕурдаах, билиилэрин-көрүүлэрин хаҥатыан баҕалаах дьону умсугутуо. Кинилэр бэйэлэрин ураты толкуйдарын, көрүүлэрин олоххо киллэриэхтэрэ диэн эрэнэбин», — диэбит. Бу туһунан «Якутия» Технопарка пресс-сулууспата иһитиннэрэр.
Чурапчы улууһун баһылыга Андрей Ноговицын бу күүтүүлээх IT-киин Ил Дархан өйөбүлүнэн, «Якутия» Технопарка уонна СӨ Инновацияҕа министиэристибэтин көхтөөх үлэлэринэн олоххо киллэриллибитин бэлиэтээбит. Өрөспүүбүлүкэ салалтатыгар махтаммыт.
IT-киин баазатыгар информационнай технологиялар эйгэлэригэр исписэлиистэр үлэлииллэригэр усулуобуйа тэриллиэ, ону сэргэ, манна оскуола үөрэнээччилэрэ уонна ыччаттар профориентационнай өйөбүлү ылыахтара, нэһилиэнньэ кэлэн дьарыктаныа диэн этэллэр.
Санатан эттэххэ, Чурапчы улууһа СӨ Инновацияҕа, цифровой сайдыыга уонна инфокоммуникационнай технологияҕа министиэристибэ тэрийбит күөн күрэһин кыайыылаахтарыттан биирдэстэринэн буолбута уонна IT-киини тэрийэргэ, сайыннарарга биир мөлүйүөн солкуобай өйөбүлү ылбыта.
Ил Дархан Айсен Николаев ыйааҕынан, 2024 сылга диэри улуустарга 17 IT-киин аһыллара былааннанар.
edersaas.ru
0
0

Добавить комментарий