Дойду олоҕор-дьаһаҕар сүрүн суолталаах Төрүт Сокуоҥҥа уларытыылары киллэриини куоластааһын Чурапчы улууһугар тэрээһиннээхтик баран иһэр.
Чурапчы улууһун территориятааҕы быыбардыыр хамыыһыйатын бэрэссэдээтэлэ Егор Давыдов иһитиннэрэринэн, улуус үрдүнэн куоластыырга 29 учаастак тэриллэн, 191 хамыыһыйа чилиэнэ үлэлии-хамсыы олорор.
Улууска барыта 15 151 быыбардааччы баарыттан, бэс ыйын 26 күнүттэн бэс ыйын 30 күнүгэр диэри 7 737 киһи куоластаабыт.
Бүгүн да куоластааһын көхтөөх, кэккэ убаастанар төрүөтүнэн кыайан кэлбэт дьоҥҥо хамыыһыйа чилиэннэрэ дьиэлэригэр тиийэллэр, атыттар учаастактарга кэлэн куоластыыллар. Ханна да буоларын курдук, хамыыһыйа чилиэннэрэ санитарнай ирдэбили — киириигэ доруобуйа туругун бэрэбиэркэлээһини, мааска эрэсиимин, ирдэниллэр тэйиччини толору тутуһаллар. Күнүс 12 чаастаах чахчынан, быыбардааччы 55 бырыһыана куоластаабыт.
Раиса Сибирякова, «Саха сирэ» хаһыат, edersaas.ru