Уопсастыба

Чурапчылар оттооһуҥҥа көхтөөхтүк туруннулар

Кураан буолан, Чурапчы улууһа сыл тахсар отун 77 %-ын булунар кыахтаах.

edersaas.ru

Ол иһин, улуус баһылыга Андрей Ноговицын бастаан бэйэ сирин сирийэн оттуур, онтон мобильнай этэрээт тэрийэн ыраах учаастактарга оттуур соругу туруорда. Онон үгүс нэһилиэктэр хаһаайыстыбалара хотуурдарын быйыл эрдэ тыаһаттылар. Билигин ходуһаҕа бастакы бугуллар кэчигирэһэн, басатык кэбиилээх оттор туруоруллан эрэллэр.

Мугудай нэһилиэгин олохтооҕо Егор Попов уһаайбатын сирин охсон бүтэрэн, ходуһатыгар киирдэ.

Тыа хаһаайыстыбатын управлениетын исписэлиистэрэ, олохтоох дьаһалталар баһылыктара оттооһун тэрээһиннээхтик ыытылларыга бары күүстэрин уураллар. Курааннаабыт сирдээх хаһаайыстыбалар Өлүөнэ өрүс арыыларыгар итиэннэ ыраах Нуотара уҥуор көһөн оттуулларын туһунан кэпсэтии ыыта сылдьаллар.

Раиса Сибирякова, «Саха сирэ», edersaas.ru

0
0

Добавить комментарий