Чурапчыга социальнай суолталаах эбийиэктэри гааска холбууллар

Чурапчы улууһугар нэһилиэнньэлээх пууннары гааска холбооһун үлэтэ салҕанар. Бэҕэһээ Одьулууҥҥа «Сайдыс» норуот айымньытын дьиэтэ үөрүүлээх быһыыга-майгыга гааска холбонно.

«Биһиги нэһилиэкпитигэр гааһы үс сыллааҕыта холбоон саҕалаабыттара. 2019 сылтан социальнай суолталаах эбийиэктэри ситимҥэ холбуур үлэ барар. Ил Дархан Айсен Николаев, улууспут баһылыга Андрей Ноговицын, дьокутааттарбыт уонна нэһилиэкпит баһылыга өйөөннөр, биһиэхэ үөрүүлээх күн буолла», — диэн норуот айымньытын дьиэтин дириэктэрэ Валентина Аржакова иһитиннэрэр.

Чурапчы улууһун дьаһалтатын пресс-сулууспата.