СӨ Быыһыыр сулууспатын салайааччытын бастакы солбуйааччыта Василий Тарскай иһитиннэрбитинэн Чурапчы улууһун Мырыла сэлиэнньэтигэр ыам ыйын 16 күнүнээҕи туругунан 37 дьиэ, 136 киһи олорор 59 тиэргэнэ ууга барда. Нэһилиэнньэлээх пуун аттыгар уу таһыма ыксаллаах көрдөрүүнү 1510 см. аһары баран 1642 см. тиийдэ. Икки этээстээх таас оскуолаҕа эвакуационнай пуун тэриллэн, 28 ыал онно олороллор.
edersaas.ru
«Уу таһыма Мырылаҕа өссө 4 см. үрдүү сылдьан баран сыыйа түһэн эрэр, ол эрэн, иккис долгун кэлиэн сөп», — диэн эттэ кини.
Быһыты, суолу үрдэтиигэ олохтоохтор көхтөөхтүк тахсан үлэлииллэр, субуотунньук тэрийэллэр. Нэһилиэнньэ ортотугар уолуйуу, айманыы суох, ынах-сүөһү былдьаммата.
Мындаҕаайыга халаан уута дьиэлэри ылбата, ыһыахтыыр сир, хочо ууга барда.
Марианна ТЫРТЫКОВА, «Саха сирэ», edersaas.ru