СӨ Доруобуйа харыстабылын миниистирин бастакы солбуйааччы Алексей Яковлев үлэтинэн Чурапчыга тиийэн, мэдиссиинэ көмөтүн нэһилиэнньэҕэ оҥорууга сүбэ-ама биэрэр.
Улуус баһылыга Андрей Ноговицын миниистири солбуйааччыга улууска хоруона хамсыгын балаһыанньатын, ылыллар миэрэлэри уонна дьаҥы утары охсуһар суһал ыстаап үлэтин билиһиннэрдэ. Улуустааҕы суһал ыстаап быһаарыытынан, мэдиссиинэ тэрилтэлэригэр инфекционнай, провизорнай, реанимационнай куойкалар эбиллибиттэрин, балыыһалар наадалаах эминэн-томунан хааччыллыыларын улуус салалтата хонтуруолга тутарын, туох үлэ ыытылларын сырдатта. Маны сэргэ, кыраапыгынан тутулла турар балыыһа иккис уочаратын уонна улуустааҕы киин балыыһаҕа КТ аппарааты ылыы наадатын туһунан, о.д.а. боппуруостары дьүүллэстилэр.
+1
+1
+1
+1
+1
+1
+1