Хас биирдии норуот төрүттэниэҕиттэн тус итэҕэллээх, үҥэр-сүктэр таҥаралаах. Хас биирдии киһи итэҕэлэ өбүгэтин сиэригэр-туомугар олоҕурар, айылҕа үөрэҕэр тирэҕирэр, тус олоххо өйдөбүллэриттэн үөскээн, олохсуйан тахсар.
Айыы ситимин олохтуур ыччаттарбытын үтүөҕэ, сырдыкка уһуйар Киин тутуллара наадатын өйдөөн, бүттүүн өйбүтүн- санаабытын түмэн, сомоҕолоһон, кэлэр кэнчээри ыччакка хаалар үйэлээх норуот тутуута — «Саха төрүт култууратын кыһата» үлэҕэ киирэригэр бука бары кыттыһыаҕыҥ!
Муус устар 9 күнүгэр «Сэргэлээх уоттара» Култуура киинигэр ыытыллар өйөбүл акцияҕа ытыктабыллаах бар дьоммут, биир дойдулаахтарбыт, бука бары кыттыыны ылыаххыт диэн эрэнэбит.
Бу күн Чурапчы талба талааннаахтарын быыстапката, нэһилиэк киэн туттар ырыаһыттара уонна эстрада чаҕылхай артыыстара Далаана, Анастасия Готовцева, Валентина Романова-Чыскыырай, Сахамин, Айархаан кыттыылаах ырыа-тойук түһүлгэтэ эһигини күүтэр.
Дьоро киэһэни иилээн саҕалаан ыытыахтара Николь уонна Николай Гоголев. Саҕаланар күнүс 15:00 чаастан, киирии билиэт 500 солкуобай.
Кэлиҥ, сылдьыҥ, сэҥээриҥ!
Сахалыы таҥастаах кэлэргит кэрэхсэнэр!
Тэрийэр бөлөх.