Чурапчыга дьон саҥа дьиэҕэ көһөн үөрүүлэрэ улахан.
Бу 13 кыбартыыралаах дьиэ хаарбахтан саҥаҕа көһөрүү бырагырааматынан үлэҕэ киирдэ. Саҥа дьиэ күлүүстэрин СӨ Бырабыыталыстыбатын бастакы вице-премьерэ Кирилл Бычков туттарда.
«Ил Дархан Айсен Николаев өйөбүлүнэн, өрөспүүбүлүкэҕэ дьону-сэргэни хаарбахтан саҥаҕа көһөрүү бырагыраамата ситиһиилээхтик үлэлиир. Бу ирдэбилгэ эппиэттиир аныгы тутуулаах дьиэни туппут дьоҥҥо махтанабын«, — диэтэ кини.
Үс мэндиэмэннээх дьиэ уопсай иэнэ 1102,30 кв.м. «ВостокСтрой» ХЭУо туппут. Манна биирдии, иккилии, үстүү хостоох кыбартыыралар бааллар.
Чурапчы улууһугар 2019 — 2025 сылларга хаарбахтан саҥаҕа көһөрүү бырагырааматынан, 1729 киһини 30-тан тахса тыһ.кв.м. иэннээх сиргэ көһөрүү былааннанар. Бүгүҥҥү күн туругунан улууска 11 элбэх кыбартыыралаах дьиэ үлэҕэ киллэриллибит, 613 киһи көспүт.
Санатан эттэххэ, «Олорор дьиэ уонна куорат эйгэтэ» национальнай бырайыагынан хаарбах дьиэттэн саҥаҕа көһөрүү бырагырааматынан Саха сиригэр 18 тыһ.тахса киһи 326 тыһ.кв.м. иэннээх дьиэттэн-уоттан көһөрүллүбүт. 2022 сылга 25 тыһ.тахса киһини көһөрөр былааннаахтар.
+1
+1
+1
+1
+1
+1
+1