Чурапчы улууһугар «Дьиэҕэр олор, дьиэ кэргэн экономикатынан дьарыктан!» пилотнай бырайыак кыттыылаахтара үүннэрбит оҕуруоттарын аһынан бэйэлэрин хааччыммыттарын таһынан улуус дьаһалтатын кытары түһэрсибит дуогабардарынан, «Маарыкчаан» потребуопсастыба маҕаһыыннарыгар туттараллар.
edersaas.ru
Маҕаһыын кинилэртэн оҕурсуну 100 солк. тутар итиэннэ 80 солк. батарар. Онон тэпилииссэтэ суох ыаллар удамыр сыанаҕа сибиэһэй оҕуруот аһын амсайар кыахтаннылар. Чурапчы улууһун дьаһалтата «Дьиэҕэр олор, дьиэ кэргэн экономикатынан дьарыктан!» пилотнай бырайыагы пандемия кэмигэр нэһилиэнньэҕэ эбии көмө быһыытынан киллэрбитэ. Саас Новосибирскайтан 313 тэпилииссэни аҕалан, собуот сыанатынан атыылаабыттара. Ол тэпилииссэлэри С.А.Новгородов аатынан орто оскуола сиригэр 0,5 гектар учаастакка туруораннар, олохтоохтор оҕуруот аһын үүннэрэллэр. Бу туһунан улуус дьаһалтатын пресс-киинэ иһитиннэрэр.
Раиса Сибирякова, «Саха сирэ» edersaas.ru
+1
+1
+1
+1
+1
+1
+1