Айылҕа харыстабыла Маны аах

Чурапчыга киирбит туртас

Алтынньы 4 күнүгэр Чурапчы улууһугар туртас киирэн улуустааҕы гимназия кирилиэһигэр сытарын олохтоохтор көрбүттэр.

Бу хаартыска бүтүн өрөспүүбүлүкэни тилийэ көттө. Сонун буолбатах, кэлиҥҥи кэмнэргэ эҥин араас кыыл-сүөл дэриэбинэҕэ, куоракка кииртэлиирин туһунан сурах сотору-сотору тарҕанар.

Бу туһунан Чурапчы улууһун оскуолатын оробуочайа Иннокентий Адамов маннык иһитиннэрдэ:

— Ол күн биһиги оскуола таһыгпр баннер иилэ сырыттахпытына, тимир күрүө быыһынан туртас тиэргэҥҥэ киирэ сатыы турара. Сырсан тиийэн көрбүппүт, оскуола кирилиэһигэр сытара. От бэрсээри чугаһаабыппар куһаҕан баҕайытык хаһыытаан баран, куотан хаалбыта. Айылҕа оҕото барахсан көмө көрдөөн киирбитэ эбитэ дуу, куотан киирбитэ дуу, айаҕа хааннаах этэ. Кэлин бу туртас  дэриэбинэ ортотугар маҕаһыын таһыгар сылдьарын көрбүттэр этэ.

Ульяна Захарова.

0
0