Сүрүн Уопсастыба

Чурапчыга ийэлэргэ 50 тыһыынча солкуобайы биэриэхтэрэ

Быйыл Чурапчы улууһугар Ийэ сир сыла биллэриллибит. Ону тэҥэ, өрөспүүбүлүкэҕэ Ийэ сыла саҕаламмытынан, улуус баһылыга Степан Саргыдаев дьаһала таҕыста. Ол курдук, 2022 сылга бастакы оҕолорун оҕоломмут (иитэ ылбыт) ийэлэргэ 50 тыһыынча солкуобайы улуус бүддьүөтүттэн биэриэхтэрэ.

Ийэни, дьиэ кэргэни бастакы күннэргэ өйүүргэ бу көмө төһүү буолуоҕа. Дьиэ кэргэн туруктаах буоллаҕына, улуус, өрөспүүбүлүкэ демографическай балаһыанньата тупсар, уопсастыба чөл буолар, — диэн Степан Саргыдаев эттэ.

Дьэ, бу үчүгэй бачыым. Атын улуустар эмиэ иилэ хабан ылан, төрөөһүнү элбэтэргэ бэйэлэрин кылааттарын дьыаланан, тустаах көмөнөн киллэрэллэрэ буоллар, бэрт буолуо этэ.

Санатар буоллахха, тохсунньу 7 күнүгэр Чурапчыга П.Н. Сокольников аатынан киин балыыһаҕа «100 сыл оҕолоро» хапытаал сэртипикээтин бастакынан ылбыт ийэлэри үөрүүлээх быһыыга-майгыга таһаарыы буолбута.

Ангелина Васильева, “Саха сирэ” хаһыат, edersaas.ru

Хаартыска: ykt.ru

0
0
Telegram @edersaas20