Доруобуйа Уопсастыба

Чурапчыга — “Доруобуйа ыллыга”

Тохсунньу 15-19 күннэригэр Уопсастыбаннай доруобуйа уонна мэдиссиинэҕэ сэрэтэр үлэ өрөспүүбүлүкэтээҕи киинин, СПИД-ы утары охсуһар киин уонна Өрөспүүбүлүкэтээҕи онкологическай диспансер миэдиктэрин биригээдэтэ Чурапчы улууһугар үлэлээтэ.

Биригээдэ Чурапчы, Хайахсыт, Чакыр, Сылаҥ, Чыаппара сэлиэнньэлэригэр сылдьан, нэһилиэнньэ доруобуйатын туругун бэрэбиэркэлиир үлэни ыытта. Маннык үлэ олус наадалаах, тоҕо диэтэххэ, ыарыыны эрдэттэн булуу – үтүөрүү мэктиэтэ. Ону тэҥэ, миэдиктэр улуустааҕы киин балыыһаҕа методическай көмөнү оҥордулар, быраастарга сүбэ-ама биэрдилэр.

Уопсастыбаннай доруобуйа уонна мэдиссиинэҕэ сэрэтэр үлэ өрөспүүбүлүкэтээҕи киинин кылаабынай бырааһа А.М. Никитина улуус салалтатын кытары көрсөн, “Демография” национальнай бырайыак чэрчитинэн Саха сиригэр үлэлиир “Уопсастыбаннай доруобуйаны бөҕөргөтүү” эрэгийиэннээҕи бырагырааманы олоххо киллэрии туһунан кэпсэттилэр.

Быраастар дьону бары харыстанар миэрэлэри тутуһан туран, көрдүлэр-иһиттилэр.

Ангелина Васильева, “Саха сирэ” хаһыат, edersaas.ru

Хаартыска: sakhagov.ru

0
0
Telegram @edersaas20