Өрөспүүбүлүкэҕэ чөл, чэгиэн олоҕу тарҕатар, доруобуйаны бөҕөргөтөр, нэһилиэнньэ олоҕун хаачыстыбатын тупсарар сыаллаах «Доруобуйа национальнай күнэ» 2000 сыллаахха олохтоммута.
Бу чэрчитинэн ыытыллар дэкээдэ быйыл олунньу 24 күнүттэн кулун тутар 5 күнүгэр диэри ыытыллара былааннанар. Бырагыраамаҕа дистанционнай ньыманы туһанан нэһилиэнньэҕэ чөл, чэгиэн олох туһунан иһитиннэриилэри оҥоруохтара, төгүрүк остуоллар ону таһынан поликлиникаларга аһаҕас аан күннэрэ, доруобуйа оскуолалара тэриллиэхтэрэ.
Быйыл «Өрөспүүбүлүкэтээҕи медицинскэй профилактика киинэ» ГБТ олунньу 24 — кулун тутар 2 күннэригэр доруобуйа десанын Чурапчыга тэрийэр. Мобильнай биригээдэ Чурапчыга, Арыылаахха, Кытаанахха, Мындаҕаайыга, Хайахсыкка, Дириҥҥэ, Одьулууҥҥа, Чыаппараҕа сылдьыахтаах. Дьон-сэргэ доруобуйатын терапевт, онколог, кардиолог, невролог, офтальмолог, гигиенист-стоматолог, УЗИ бырааһа көрүөхтэрэ, ФЛГ түһэриэхтэрэ.
СӨ Доруобуйа харыстабылын министиэристибэтэ өрөспүүбүлүкэтээҕи медицинскэй профилактика киинин кытары Чэбдигирии сылынан олунньу 26 күнүгэр «Арассыыйа — мин устуоруйам» пааркаҕа экспозицияҕа ыҥырар.
+1
+1
+1
+1
+1
+1
+1