Чурапчыга #чурапчыалдьархайа1942 онлайн-аахсыйа саҕаланна...
Кыайыы 75 сыла - Олох-дьаһах

Чурапчыга #чурапчыалдьархайа1942 онлайн-аахсыйа саҕаланна

Балаҕан ыйын 19 күнүгэр Чурапчы улууһугар социальнай ситимнэр нөҥүө «213№ уураах» диэн ааттаах телевизионнай испэктээк премьерата буолуоҕа. Бу туруорууну П. М. Решетников аатынан Чурапчытааҕы норуот тыйаатырын эдэр режиссера Сарыал Сивцев оҥорбут, диэн «Чурапчы улууһун» дьаһалтатын  пресс-киинэ иһитиннэрэр.

edersaas.ru

Ити күн Чурапчы сэлиэнньэтигэр Көскө барбыттарга анаммыт искибиэргэ «Ийэ уонна оҕо» пааматынньыкка венок ууруохтара. Хатылы сэлиэнньэтигэр көһөрүллүү музейыгар дьон бэлэхтээбит экспонаттарын саҥа көрдөрүү тэрээһинэ ааһыаҕа. Киэһэ Булуҥ, Кэбээйи, Эдьигээн улуустарын баһылыктара кыттыылаах социальнай ситимнэргэ быһа эпиир ыытыллыаҕа.

Быйыл улуус дьаһалтата уонна «Айылгы» норуот айымньытын дьиэтин Улуу сэрии кэмигэр күүһүнэн көһөрүүгэ анаммыт тэрээһиннэрэ балаҕан ыйын 14 күнүттэн саҕаланан дистанционнай форматка ыытыллаллар. Улууска «Өйдөбүл чүмэчитэ» диэн онлайн-аахсыйа саҕаланна — улуус олохтоохторо көһөрүүгэ кыттыбыт чугас дьоннорун хаартыскаларын социальнай ситимнэргэ #чурапчыалдьархайа1942 хэштегтээх таһаараллар. Балаҕан ыйын 18 күнүгэр ыччат координационнай Сэбиэтэ улуус баһылыгын кытта Чурапчы улууһун нэһилиэктэрин ыччата кыттыылаах миитин ыытыаҕа.

Бу күн Чурапчы улууһугар сэрии кэмигэр көһөрүллүбүт дьону өйдүүр-саныыр кутурҕаннаах күн ыытыллар. 78 сыл анараа өттүгэр, сэрии кэмигэр Чурапчы оройуонун 41 холкуоһун Саха сирин хотугу оройуоннарыгар балыгы бэлэмнээһиҥҥэ күүс нөҥүө модьуйан ыыппыттара. Барыта 5 318 киһи көһөрүллүбүтүттэн, 2 тыһыынчаттан тахса киһи тоҥон, хоргуйан, ыарыыга ылларан өлбүттэрэ. Улуус олохтоохторо сылын аайы бу алдьархайдаах  быһылааҥҥа түбэспит аймахтарын, чугас дьоннорун ахтан-санаан ааһаллар.

Егор Карпов, «Саха сирэ» хаһыат, edersaas.ru

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

15 + двенадцать =