Чурапчы улууһугар коронавируһу утары быһыыны ылбыт дьон иһигэр аахсыйа биллэриллэн, уон киһи уоннуу тыһыынча солкуобайынан биһирэннэ. Бу туһунан дьаһалта пресс-сулууспата иһитиннэрэр.
Улуус дьаһалтата П.Н.Сокольников аатынан киин балыыһаны уонна Култуура управлениетын кытта сэтинньи 4-7 күннэригэр быһыыны ылбыт улуус олохтоохторугар сүүйүүлээх оонньууну биллэрбитэ. Бу кэм иһигэр улууска 98 киһи быһыыны ылбыта биллэр.
Бэлиэтээн суруйдахха, Чурапчы улууһугар дьаҥынан ыалдьыы аматыйан эрэр. Сэтинньи 22 күнүнээҕи туругунан, улууска 6 787 киһи коронавируһу утары быһыыны ылбыт. Дьону көҕүлүүр аахсыйа салҕанар.
+1
+1
+1
+1
+1
+1
+1