Чурапчыга Саха сиригэр Ийэ күнүнэн 2012 сылтан Прасковья Борисова аатынан бириэмийэ туттарыллар.
edersaas.ru
Бу бириэмийэни кини оҕолоро, сиэннэрэ сыл аайы Чурапчы улууһун икки чулуу ийэтигэр туттараллар. Быйыл тохсус төгүлүн туттарыллар бириэмийэни Сылаҥ нэһилиэгин олохтооҕо, Аҕа Дойду сэриитин огдообото, тыыл, үлэ бэтэрээнэ, 13 оҕо күн күбэй ийэтэ, 50 сиэн, 60-тан тахса хос сиэн, 10-ча хос-хос сиэн эйэҕэс эбээтэ А.П.Макарова ылла.
Оттон бириэмийэ иккис дипломанынан Хайахсыт нэһилиэгэр олорор алта оҕолоох эдэр ийэ Нь.С.Бандерова буолла. Эдэр ийэ дьиэ кэргэнин көрөрүн-истэрин таһынан нэһилиэк уопсастыбаннай үлэтигэр көхтөөхтүк кыттар. Ол курдук, кини «2019 сыл бастыҥ дьиэ кэргэнэ» номинация хаһаайката, «Байылыат тиэргэн -2019» улуустааҕы дьаарбаҥка кыайыылааҕын үрдүк аатын ылбыта.
«Чурапчы улууhа» МТ пресс-сулууспата.
«Саха сирэ» хаһыат, edersaas.ru