Чурапчы улууһугар коронавирус анаалыһын оҥорууну түргэтэтиэхтэрэ. Итини ситиһэр туһуттан, ыарахан сыаналаах ИФА аппарааттаммыттар.
Оттон ааспыт нэдиэлэ ортотугар, өрөспүүбүлүкэҕэ ИФА-Активин ылыллыбыт. Бу ПЦР курдук, 15 мүнүүтэнэн анаалыһы быһаарар.
Улуус баһылыгын кытары социальнай ситимнэргэ быһа биэриигэ тахсан, кылаабынай быраас э.т. Александра Седалищева анаалыстар билигин Дьокуускайга ыытыллалларын, онон түмүгүн кэтэһэргэ бириэмэ барарын, сотору кэминэн, бу кыһалҕа быһаарыллыаҕын эттэ.
Оттон улуус баһылыга Андрей Ноговицын балыыһаҕа куойка эбиллэрин, ыарыһаҕы эмтииргэ усулуобуйа тэриллэрин, тест, рециркулятор ылыллыбытын эттэ. Аптекалары эминэн-томунан хааччыйыыга болҕомто эмиэ улааппытын бэлиэтээтэ.
Чурапчылар коронавирус дьаҥын бохсорго үлэни күүһүрдэллэр. Суһал көмөнү харгыһа суох оҥорон иһэргэ, оройуон дьаһалтатын көлөлөрө бэриллибиттэр.
edersaas.ru
+1
+1
+1
+1
+1
+1
+1