Чурапчы ыала Таныковтар Путинтан уордьанынан наҕараадаланнылар

Ааптар: 
06.11.2020
Бөлөххө киир:

Арассыыйа Бэрэсидьиэнэ Владимир Путин ыйааҕынан, Чурапчы улууһун олохтоохторо Адам уонна Евдокия Таныковтар дьиэ кэргэн укулаатын бөҕөргөтүү, оҕону дьоһун дьон гына иитии иһин, «Төрөппүт албан аата» («Родительская слава») уордьанынан наҕараадаланнылар. Бу туһунан СИА иһитиннэрэр.

«Наҕараадаламмыппыт туһунан эһигиттэн иһиттибит. Арассыыйа Бэрэсидьиэнин ыйааҕа тахсыбытыттан үөрэбит, сонуну чугас дьоммутугар кэпсиэм.  Биһиги 1999 сыллаахха ыал буолбуппут. Алта уоллаахпыт, икки кыыстаахпыт. Улахан уолбут 22 саастаах, кырабыт — сэттэтэ. Өссө икки сиэннээхпит. Сонуну истэн наһаа үөрдүбүт, махтал» — диэтэ СИА-ҕа Евдокия Таныкова диэн суруллар.

Бэлиэтээн эттэххэ, бу наҕараадаламмыт дьиэ кэргэн аҕа баһылыга Адам Таныков, Чурапчы улууһугар успуорт аксакала, ханна баҕарар туруорарга табыгастаах,  бэйэни чэбдигирдэргэ дьарыктанар анал тэрили толкуйдаабыт («Адам кирилиэһэ») Адам Таныков уола.

Санатар буоллахха, «Төрөппүт албан аата» уордьан («Родительская Слава») сэттэ уонна онтон элбэх оҕолоох ыалга туттарыллар.

+1
0
+1
0
+1
0
+1
0
+1
0
+1
0
+1
0