Чурапчы улууһун @mochurapchinsky инстаграм страницатыгар суруйалларынан, «Үтүө майгыҥ — көтөр кынатыҥ» диэн өс хоһооно этэринии, киһи киһиэхэ үтүөнү оҥордоҕуна олохпут, тулалыыр эйгэбит тупсар.
edersaas.ru
Ол курдук бэйэлэрин үтүө санааларынан сааһыттан, үлэтиттэн тутулуга суох аҕам саастаах кырдаҕастарбытыгар күүс көмө буола сылдьар волонтердар, улууспутугар билиҥҥи уустук кэмҥэ үлэлэрэ өссө күүһүрэн ыытылла турар.
Ыам ыйын 26 күнүнээҕи туругунан уопсайа 115 волонтер 1323 сайаапканы толордулар. Олохтоохтортон күн аайы эмп-томп, ас — үөл ылыыта, мас хайытааһына, араас төлөбүрдэри оҥоруу курдук сайаапкалар киирэллэрин тута толороллорун иһитиннэрдилэр. Бүгүн үлэлэригэр киин волонтерскай ыстааптан мааскалар, перчаткалар, антисептиктар кэлбиттэрин туһунан солуннарын үллэһиннилэр. Күндү волонтердарбыт төһө кыалларынан бэйэҕитин харыстанан, доруобуйаҕыт туругун көрүнэн үлэлииргитигэр ыҥырабыт. Соҕотох олорор аҕам саастаах дьоммутугар сайаапканы билсэр телефоннар:
89640778391, 89245663469, 8914 227-57-12,
84115141660.
@mochurapchinsky