Бары 25 оскуола, 19 оҕо саада, ону тэҥэ, эбии үөрэхтээһин тэрилтэлэрэ бэрэбиэркэни аастылар, ол түмүгүнэн саҥа үөрэх дьылыгар бэлэмнэр диэн быһаарылынна. Бу туһунан Чурапчы улууһун үөрэҕин управлениетын начаалынньыга Юрий Посельскай иһитиннэрдэ.
Оскуолалар санитарнай-эпидемиологическай ирдэбили тутуһан үөрэх дьылын олоҕурбут көрүҥүнэн (очно) саҕалыахтаахтар. Билиҥҥитэ Билии күнүн үөрүүлээх тэрээһинин оскуолалар уруккулуу ыытар былааннаахтар.
“Управление бүтэһиктээх быһаарыыны бу нэдиэлэҕэ ылыаҕа, кэмигэр иһитиннэриэхпит. Быйыл улуус үрдүнэн 415 оҕо маҥнайгы кылааска киириэҕэ, 25 кэмпилиэк кылаас аһыллыаҕа”, — диэн Юрий Посельскай эттэ итиэннэ үөрэх үлэһиттэрин 74 бырыһыана быһыыны ылбыттарын бэлиэтээтэ.
Ааспыт нэдиэлэттэн улууска өрөспүүбүлүкэтээҕи үөрэх үлэһиттэрин Атырдьах ыйынааҕы мунньахтарын тэрээһиннэрэ кэтэхтэн бараллар. Атырдьах ыйын 27 күнүгэр улуустааҕы үөрэх үлэһиттэрин мунньаҕа буолуоҕа диэн Чурапчы улууһун пресс-сулууспата иһитиннэрэр.
edersaas.ru