Чурапчы улууһун Кытаанаҕар саҥа оскуола үлэҕэ киириэ

Бөлөххө киир:

СӨ Судаарыстыбаннай тутуу уонна олох-дьаһах надзорун управлениета  Чурапчы улууһун Кытаанаҕар  90/50 миэстэлэрдээх оскуола-оҕо саада тустаах тэхэньиичэскэй  ирдэбилгэ уонна бырайыактыыр докумуоннара  сөп түбэһэр буолбутунан, үлэлииргэ бэлэмин туһунан иһитиннэрдэ.

 «Аныгылыы тутуулаах, 2115, кв. м иэннээх  саҥа эбийиэк  «Тыа сирин-уотун кэлимник сайыннарыы»  судаарыстыбаннай бырагыраама чэрчитинэн, тутулунна. Онон сэлиэнньэ оҕолоро  бары өттүнэн үчүгэй усулуобуйалаах оскуолаҕа үөрэниэхтэрэ», — диэн СӨ Судаарыстыбаннай тутуу уонна олох-дьаһах надзорун управлениетын салайааччы  Павел Аргунов иһитиннэрдэ.

Бу күннэргэ оҕолор барахсаттар  бары өттүнэн ирдэбилгэ эппиэттээбэт дьиэҕэ-уокка үөрэнэ сылдьаллар. Тоҕо диэтэххэ, 2016 сыллаахха  мас оскуола бүтүннүү уокка былдьаммыта. Оттон эргэ оҕо саада  билиҥҥи тэхэньиичэскэй ирдэбилгэ ырааҕынан эппиэттээбэт.

Үөрэх саҥа кыһата  бары өттүнэн дьоҕус сэлиэнньэҕэ эппиэттиир. Үөрэххэ сыһыаннаах саҥа оборудованиеларынан толору хааччыллыылаах. Оскуола   оҕолор сынньаналларыгар, оонньуулларыгар аналлаах киэҥ-куоҥ былаһааккалаах.

+1
0
+1
0
+1
0
+1
0
+1
0
+1
0
+1
0