Чурапчы улууһугар коворкинг-киин тэриллэрин туһунан улуус дьаһалтатын пресс-киинэ иһитиннэрэр.
«Айылгы» норуот айымньытын дьиэтэ уонна уопсастыбаннай сэбиэт култуура, ускуустуба, социальнай-култуурунай эйгэ, уопсастыбаннай үлэ сайдыытыгар хардарыта ыкса сибээстээх үлэлииллэригэр, улуус дьаһалтататыгар Сөбүлэһии түһэрсилиннэ. Норуот айымньытын дьиэтигэр тэриллибит «Киин» биир тиһиктээх култуурунай-иһитиннэрэр куйаар көмөтүнэн үлэҕэ үөрүйэхтэрин, сатабылларын атастаһар, үлэни-хамнаһы көмөлөөн сайыннарар кыах бэриллэр диэн бэлиэтииллэр.
«Салалта уонна тэрилтэлэр, уопсастыбаннай түмсүүлэр бука бары хардарыта ыкса сибээстээх буолалларыгар ананар. Бу бырайыагынан бары бииргэ түмсүүлэрэ ордук табыгастаах буолуоҕа», — диэн улуус баһылыга Андрей Ноговицын бэлиэтээбит.
Маннык ньыманан үлэҕэ «Кустук сэттэ өҥүнэн» фольклорнай түмсүү, СӨ «Олоҥхо» Ассоциациятын Чурапчытааҕы филиала, «Арассыыйа ийэлэрэ» улуустааҕы уопсастыбаннай хамсааһын, Чурапчытааҕы инбэлииттэр уопсастыбалара, улуустааҕы ыччат координационнай сэбиэтэ, бойобуой хамсааһыннар бэтэрээннэрин улуустааҕы сэбиэтэ, салайааччы Березкин Илья Сергеевич уонна «Эркин» эр дьон түмсүүтэ кытталлар. Тэрээһин чэрчитинэн тэриллибит төгүрүк остуолга, бырайыагы сайыннарар туһугар хайа да өттүттэн табыгастаах бииргэ үлэлээһин уонна доҕордуу сыһыаны бөҕөргөтүү туһунан сүбэлэстилэр диэн улуус дьаһалтатын пресс-киинэ бэлиэтиир.