Маны аах Тыа хаһаайыстыбата

Чурапчы улууһугар бэтэринээр сулууспата төрүттэммитэ 100 сылын туолла

1921 сыллаахха муус устар 12 күнүгэр Чурапчыга Боотурускайы, Тааттаны, Мэҥэни, Байаҕантайы хааччыйар бэтэринээр пууна аhыллыбыта, сэбиэдиссэйинэн Михаил Иннокентьевич Киренскэй ананан үлэлээбитэ.

edersaas.ru

Пууҥҥа анаан чааhынай дьиэни куортамнаспыттара, бэтэринээринэй амбулатория уонна кыра аптека баар буолбуттара. Онтон ыла сэрэтэр уонна эмтиир үлэлэри ыытыы тэрээһиннээхтик саҕаламмыта. Бу кэмнэргэ сүөһүгэ сотуун (сибирскэй язва), хааhырҕас (эмкар), ииримтийии ыарыылар турбуттара.

1931-1933 сылларга улууска бэтэринээр бырааhынан 1899 сыллаах төрүөх Одьулуун нэhилиэгиттэн төрүттээх, Саратовтааҕы ветинституту бүтэрбит Афанасий Андреевич Михайлов үлэлээбитэ. Кини Саха сиригэр уонна Боотурускай улууска биир бастакы анал үрдүк үөрэхтээх бэтэринээр быраас, урукку кырдьаҕастар «Маҥан Өндөрөй уола» диэнинэн бэккэ билэллэрэ. Кини холкуостарга элбэх киhини ветсанитар идэтигэр үөрэппит, ол курдук биир дойдулаахтарын Елисеев Семен Петровиhы (Одьулуун), Седалищева Авдотья Афанасьевнаны (Одьулуун), Софронов Диодору (Хадаар), Андреев Егор Парфеновиhы (Болугур) уо.д.а. Бу туһунан Бэтэринээрийэ департамена иһитиннэрэр.

Раиса Сибирякова, «Саха сирэ» хаһыат, edersaas.ru

0
0