Доруобуйа Маны аах

Чурапчы улууһугар 6 532 киһи коронавируһу утары быһыыны ылла

Чурапчы улууһугар 6 532 киһи коронавируһу утары быһыыны ылбыт, бу былаан 58,3 %-а буолар. Бу туһунан оройуон пресс-сулууспата иһитиннэрэр.

П.Н.Сокольников аатынан Чурапчы оройуоннааҕы киин балыыһатын сүрүн бырааһа Артем Ксенофонтов бэлиэтииринэн, дьаҥынан ыалдьыы аматыйбыт. Чыаппара, Бахсы, Хадаар, Төлөй, Кытаанах нэһилиэктэригэр ыалдьыбыт киһи суох. Оттон панедмия саҕаланыаҕыттан улууска 2 314 киһи ыалдьыбыт, онтон 2 201 киһи үтүөрбүт.

Киин балыыһаҕа КТ кэбиниэтигэр өрөмүөн ыытыллыбыт, онон чугаһынан кэмҥэ исписэлиис кэлэн аппарааты холбуура күүтүллэр.

Чурапчы улууһун салалтата уонна эмчиттэрэ нэһилиэнньэни сымыйа сурахтарга итэҕэйбэттэригэр уонна быһыыны кэмигэр ыларга ыҥырар.

0
0