Территориятааҕы быыбардыыр хамыыһыйа бэрэссэдээтэлэ Дария Никитина этэринэн, Бүтүн Арассыыйатааҕы биир кэлим быыбар күнүгэр бэлэмнэнии улууска өссө бэс ыйыттан саҕаламмыт.
Улуус үрдүнэн 29 учаастактааҕы быыбардыыр хамыыһыйа тэриллэн, үлэлэрин балаҕан ыйын 8 күнүттэн, ирдэниллэр санитарнай-эпидемиологическай дьаһаллары толору тутуһан саҕалыахтара.
Территориятааҕы уонна учаастактааҕы быыбардыыр хамыыһыйалар чилиэннэрэ бары коронавируһу утары быһыыны ылбыттар, быыбар ыытыллыытыгар билиини бэрэбиэркэлиир тестэри толорбуттар, учаастактааҕы быыбардыыр хамыыһыйалар пааспардарын оҥорбуттар. Роспотребнадзор туруорар санитарнай-эпидемиологическай ирдэбиллэрин билэллэр итиэннэ быыбар ыытыллар күннэригэр ону барытын тутуһан, балаҕан ыйын 17-19 күннэригэр куоластааһыны тэрийэн ыытыахтара. Бу туһунан Чурапчы улууһун дьаһалтатын пресс-киинэ иһитиннэрэр.
Раиса Сибирякова, «Саха сирэ», edersaas.ru