Маны аах Успуорт

Чурапчы спортсменнара чөмпүйэнээккэ ситиһиилээхтик кытыннылар

Чурапчы улууһун спортсменнара Саха сирин чөмпүйэнээтигэр чэпчэки атлетикаҕа ситиһиилээхтик кытыннылар.

Күрэхтэһии түмүгүнэн Макарова Марианна 800 м бастаата, 2 м.- 4х200 эстэпиэтэҕэ; Ким Катя — 60 м. иккис бочуоттаах миэстэни ылары ситистэ, 4х200 эстэпиэтэҕэ иккис миэстэ; Седалищева Саргы — 3000 м. иккис миэстэҕэ тахсан үөрүү өрөгөйө буолла; Шологонов Владимир — 400 м. сүүрэн иккиһи, 200 м. быһыйдары кытары сырсан эмиэ иккис бочуоттаах миэстэни ылан улууһугар кыайыына аҕалыста;  Белолюбская Милена -4х200 эсиэпиэтэҕэ иккис миэстэ;  Кобелькова Лера — 200 м. үһүс бириистээх миэстэҕэ тигистэ, 4х200 эстэпиэтэҕэ иккис;  Бюлтясов Айхал — 400 м. үһүс бириистээх миэстэни ылла; Максимов Олег — спортивнай хаамыыга үһүс бириистээх миэстэҕэ таҕыста.

Күрэхтэһиигэ уопсайа 18 хамаанда, 141 спортсмен кытынна. Элбэх спортсменнаахтарынан ХИФУ, Дьокуускай куорат, Чурапчы, Нам уонна Бүлүү хамаандалара буоллулар.

Түһүлгэҕэ 60 м, 200 м, 400 м, 800 м, 1500 м, 3000 м, 60 м с/б сүүрүүгэ, ырааҕы уонна үрдүгү ыстаныыга, үс төгүл төхтүрүйэн ыстаныыга,  4х200 м. эстэпиэтэҕэ, 3000 м. спортивнай хаамыыга (эр дьон, дьахталлар), уо.д.а. илин-кэлин түһүстүлэр. Чөмпүйэнээт түмүгүнэн Саха сирин сүүмэрдэммит хамаандата тэриллэр уонна Уһук Илин уокурукка күрэхтэһэр.

Чурапчы улууһун дьаһалтатын пресс-киинэ

0
0
Telegram @edersaas20