Чурапчы олохтооҕо Екатерина Попова: «Олохпут тутула күөмчүлэммэтэ наада»

Дойду бэрэсидьиэнэ Владимир Путин Төрүт Сокуоҥҥа көннөрүүлэри киллэрэргэ Бүтүн Арассыыйатааҕы куоластааһыны от ыйын 1  күнүгэр ыытарга биллэрбитэ. Онон сибээстээн бу күннэргэ дьон санаатын хото үллэстэр.

edersaas.ru

Чурапчы улууһун олохтооҕо Екатерина Попова санаатын бу курдук тиэртэ:

— Дойду Төрүт Сокуонугар уларытыыларга, көннөрүүлэргэ үгүс киһи санаатын үллэстэрин тэлэбиисэргэ истэбин. Итиэннэ киирэр уларытыылар үгүс хайысхаларын биһириибин. Онон  бэйэм тус санаабын эмиэ этиэхпин баҕарабын.

Мин толкуйум ыччаттарбыт инники кэскиллэрин туһугар буоллаҕа. Маныаха сөптөөх уларытыылар бааллар. Дьиэ кэргэттэр олохторо тупсарыгар саҥа киирэр уларытыылары өйүүбүн уонна от ыйын 1 күнүгэр улууспут хас биирдии олохтооҕо кэлэн бэйэтин куолаһын биэрэригэр ыҥырабын.

Конституция диэн биһиги бырааппыт, олохпут тутула буоллаҕа. Ол күөмчүлэммэтэ наада.

Елена ПОТОЦКАЯ, «Саха сирэ» хаһыат, edersaas.ru