Чурапчы охчут уолаттара кыайыы-хотуу көтөллөннүлэр
Дьокуускайга «Дохсун» успуорт уораҕайыгар үс күн устатыгар оҕунан ытыыга күрэхтэһии буолла.
Манна Д.П.Коркин аатынан олимпийскай эрэллэри бэлэмниир Чурапчытааҕы спортивнай оскуола- интэринээт уолаттара өрөспүүбүлүкэҕэ бастыыр иһин күрэхтэһии кыайылаахтарынан буоллулар.
«Классическай оҕунан ытыыга Дьокуускайтан, Хаҥаластан, Горнайтан, Мэҥэ Хаҥаластан, Чурапчыттан хамаандалар кытыннылар. Виталий Корякин хапытааннаах хамаандаҕа Охлопков Иннокентий, Федотов Иван кытыннылар», — диэн Чурапчыттан оскуола-интэринээт тириэньэрэ Сергей Майоров иһитиннэрдэ.
Түмүк күрэхтэһиигэ кинилэр Горнай улууһун охчуттарын кэннилэригэр хаалларан, кыайыыны ылары ситиспиттэр. Үһүс бириистээх миэстэҕэ Хаҥалас хамаандата тахсыбыт.
Күрэхтэһиигэ барыта 10 улуустан кыттыбыттар.
0
0
