Чурапчы оҕуруотчуттарыгар, отчуттарыгар агитбиригээдэ ыалдьыттыыр

Ааптар: 
Бөлөххө киир:

Чурапчыга оҕуруотчуттар, отчуттар түбүктээх үлэлэрин быыһыгар, сынньана таарыйа, агитбиригээдэ кэнсиэрин көрөллөр. 

Роспотребнадзор бары ирдэбиллэрэ тутуһуллаллар диэн улуус дьаһалтатын саайтыгар бэлиэтииллэр. Улуус баһылыгын Андрей Ноговицыны кытта агитбиригээдэ кыттыылаахтара Мындаҕаайыга «Сайдыы» бааһынай хаһаайыстыбаҕа ыалдьыттаабыттар.
—Биһиги «Дьиэҕэр олор, дьиэ кэргэн экэниэмикэтинэн дьарыктан!» диэн бырагыраамабытын олоххо киллэрэрбитигэр бааһынай хаһаайыстыбалаах Данил Павлов тута өйөөбүтэ. Ол түмүгэр, хортуоппуй бааһынатыгар бэриллибит учаастактарга дьон-сэргэ үөрэ-көтө бэйэлэрэ хортуоппуй олордуннулар. Бырайыак  көдьүүстээҕэ, сайдар кыахтааҕа көһүннэ. Күһүн үчүгэй түмүгү күүтэбит», — диэбит улуус баһылыга. Чурапчы сэлиэнньэтиттэн 104  ыал бу бырагыраамаҕа кыттыбыт. Элбэх кыбартыыралаах дьиэ олохтоохторо, элбэх оҕолоохтор, сокуоннай сааһын туола илик оҕолоох ыаллар, бас билэр сирэ суохтар бааһынаҕа бэриллибит учаастактарга хортуоппуй олордубуттар уонна онтуларын көрөллөр-харайаллар.
Оробуочай бөлөх маны сэргэ, агрооскуола бааһынатыгар сылдьыбыт. Манна түөрт гектарга хаппыыста, биир гектарга моркуоп, сүбүөкүлэ, үс гектарга хортуоппуй олордуллубут.  Хаһаайыстыбаны «Эйгэ ТХПК көрөр-харайар. Оскуола кэлэктиибэ субуотунньуктаан көмөлөһөр.
Бааһынаҕа үлэ сарсыардаттан киэһээ хойукка диэри оргуйан олорор. Үлэ быыһыгар кинилэр агитбиригээдэ кэнсиэрин көрөн сынньаналлар уонна улуус, өрөспүүбүлүкэ сонунун истэллэр.
+1
0
+1
0
+1
0
+1
0
+1
0
+1
0
+1
0