Чурапчы Мугудайыгар баһаар икки өттүнэн иһэр

Бөлөххө киир:

Чурапчы улууһун Мугудай нэһилиэгэр ойуур баһаара чугаһыыр кутталлаах. Манна билигин отуттан тахса киһи үлэлии сылдьар, булууктаах тыраахтардары улуус нэһилиэктэриттэн мунньан эрэллэр.

Ойуур баһаара билигин нэһилиэк хоту уонна арҕаа өттүнэн кэлэн иһэр. Бэҕэһээҥҥиттэн нэһилиэнньэ баһаары умуруорууга таҕыста.

– Мэлдьэхси баһаара үрэхтэрбитин туораан алаастарбытыгар киирдэ. Нэһилиэнньэлээх пууҥҥа чугаһаабатын туһугар ойууру булууктааһыҥҥа үлэлэһэн эрэбит. Чыаппараттан, Чурапчыттан тиэхиньикэлэри кэтэһэбит. Улуус суһал ыстаабыттан кэлэн эмиэ үлэлэһэ сылдьаллар. Уот үөһэнэн иһэр буолан, сүрдээх түргэн. Түүннэри ходуһаларбытыттан отторбутун тиэйдибит. Дьоммут-сэргэбит түмсэн тыраахтардаахтар бөлөх тэринэн оту таһа сылдьаллар, – диэн бэлиэтиир нэһилиэк баһылыга Кузьма Пермяков.

Аграфена КУЗЬМИНА, “Саха сирэ” хаһыат,

Егор СИБИРЯКОВ хаартыскаҕа түһэриитэ, Мугудай нэһилиэгэ

+1
0
+1
0
+1
0
+1
0
+1
0
+1
0
+1
0