Чурапчы кылаабынай бырааһа Артем Ксенофонтов: “Быһыыны ылыы хайаатар да наада”

Бөлөххө киир:

Чурапчытааҕы киин балыыһа кылаабынай бырааһа Артем Ксенофонтов бэлиэтииринэн, билиҥҥи үйэҕэ вирустар араастык уларыйа турар кэмнэригэр дьаҥы-дьаһаҕы утары быһыыны ылыы хайаатар да наада.

“Билигин улуус үрдүнэн быһыыны ылыы 68 % тэҥнэһэн турар. Кэтээн көрдөххө, быһыыны ылбыт киһи ыарыыны быдан чэпчэкитик аһарынар. Билигин үлэһиттэргэ быһыыны ылбыт кэннэ икки күн сынньалаҥ бэриллэр, онон бу икки күн бэйэни кэтэнэн көрүнэр, харыстанар наада. Вакцина хас да көрүҥүттэн билигин нэһилиэнньэҕэ саамай биллибитинэн Спутник V (Гам-Ковид-Вак) буолар. Бу вакцина векторнай буолан, киһиэхэ вирус киирбэт, киһи иммунитетын бөҕөргөтөн биэрэр. Дьаҥ-дьаһах турар кэмигэр туох баар санитарнай-эпидемиологическай ирдэбиллэри барытын тутуһар ордук. Уопсастыбаннай миэстэлэргэ маасканы кэтииттэн саҕалаан илиини сууна сылдьарга тиийэ. Уонна хаһан баҕарар, ханнык да кэмҥэ маннык улахан ыарыылартан быһыыны ылыы эрэ быыһыырын умнумуох тустаахпыт. Билиҥҥи үйэҕэ вирустар араастык уларыйа-тэлэрийэ тураллар, ити кэмҥэ быһыыны ылыы хайаатар да наада, биһиги вакциналарбыт 80 % дьаҥтан көмүскүүр кыахтаахтар”, – диэн бэлиэтиир Артем Михайлович.

Аграфена КУЗЬМИНА

+1
0
+1
0
+1
0
+1
0
+1
0
+1
0
+1
0