Төһө да Аҕа дойду Улуу сэриитин кэнниттэн бириэмэ ааспытын үрдүнэн, Чурапчы көһөрүүтүн туһунан иһиттэххэ, хас биирдии киһи сүрэҕэ хам ылар.
edersaas.ru
Чурапчы улууһугар «Вечная память народа» документальнай киинэ сүрэхтэниитэ буолан ааста диэн улуус пресс-сулууспата иһитиннэрэр.
Киинэни 2019 сыл алтынньытыгар устан саҕалаабыттара. Сюжекка көһөрүүгэ кыттыбыт дьон ахтыылара туһанылыннылар. Киинэҕэ Чурапчы улууһун олохтоохторо, Чурапчы култууратын дьиэтин артыыстара кыттыыны ылбыттара.
Чурапчы улууһун баһылыга Андрей Ноговицын:
— Тэрээһинэ суох, күүһүнэн көһөрүү түмүгэр тыһыынчаттан тахса Чурапчы олохтоохторо аччыктаан, тоҥон өлбүттэрэ. Үйэ аҥаара кэриэтэ бу туһунан кэпсиир, кэпсэтэр көҥүллэммэт этэ. Онон, бу туһунан аһаҕастык кэпсиир, бу быһылаан туһунан кэлэр кэнчээри ыччакка хаалларар биһиги ытык иэспит – диэн эттэ.
«Непреходящая скорбь народа» бырайыак ааптара — Чурапчы көһөрүллүүтүн кыттыылааҕа, бэтэрээн-педагог, Смирниковтар учууталлар династияларын төрүттээччитэ Евдокия Захарова. Бырайыак салайааччыта уонна киинэ продюсера – Сардаана Захарова. Режиссер – Марина Калинина. Научнай консультаннарынан Чурапчы көһөрүллүүтүн түмэлин төрүттээччи Дмитрий Чечебутов, Федерация Сэбиэтин чилиэнэ Егор Борисов уонна историческай наука доктора Андриан Борисов буоллулар.
Документальнай киинэ гражданскай уопсастыба сайдыытыгар туһуланар Арассыыйа президенын гранын чэрчитинэн уһулунна. Пуонда киинэ устуутугар диэн 3,8 мөлүйүөн солкуобайы көрбүтэ.
Устуу хаамыыта хамсык да үрдүнэн болдьоҕор түмүктэннэ. «Вечная память народа» киинэ кулун тутар 2 күнүгэр, «Лена» киинэ театрыгар 16.40 көстүөҕэ. Киирии босхо.
edersaas.ru