Чурапчы улууһун икки нэһилиэгэр – Үрүҥ Күөлгэ уонна Төлөйгө фельдшер-акушер пууна аһылынна.
Үрүҥ Күөл с. (Хадаар с.) фельдшер-акушер пуунун үөрүүлээхтик арыйыыга эмчиттэри уонна нэһилиэк олохтоохторун СӨ доруобуйа харыстабылын миниистирэ Михаил Охлопков эҕэрдэлээтэ.
1956 сылтан баар пууҥҥа фельдшер, акушерка, санитарка дьон доруобуйата тупсарын туһугар үлэлииллэр. Дьоҕус кэлэктииби ФАП сэбиэдиссэйэ, СӨ доруобуйа харыстабылын туйгуна Вера Дьячковская салайар.
Төлөй с. пуунугар кылаабынай бырааһынан Антонина Нестерева үлэлиир.
ЫСПЫРААПКА:
Үрүҥ Күөл с. оройуон кииниттэн 41 км ыраах сытар. 2016 сыл тохсунньу 1 күнүнээҕи туругунан, манна 473 киһи олорор. Кинилэртэн 241 киһи – үлэлиир саастаах.
Төлөй с. оройуон кииниттэн 20 км тэйиччи сытар. 500-тэн тахса нэһилиэнньэлээх. Үлэлиир саастаах дьоно – 320.
Надежда ЕГОРОВА, edersaas.ru