Чурапчы дьокутааттара — Ытык Күөл баһаарыгар Ааптар: Елена Потоцкая Бөлөххө киир: Whatsapp Kөrdөө Таатта улууһун Ытык Күөлүгэр буола турар ойуур баһаарыгар салалтаны кытта олохтоох дьон бары кэриэтэ турунан үлэлии сылдьаллар. Таатта түмсүүтүн биир актыыбынай чилиэнэ, өрөспүүбүлүкэ улуустарын түмсүүлэрин бырабылыанньатын салайааччыта Иван Неустроев инстаграмҥа бэйэтин страницатыгар бэлиэ түгэни бэлиэтии көрбүтүн суруйда: «Баһаары утары норуот хамсааһыныгар Чурапчы улууһун дьокутааттарын бөлөҕө Ытык Күөлү уоттан быыһааһын саамай тыын тыыҥҥа харбаһар кэмигэр кэлэн уоту умулларыыга ыаллыы улуустарыгар улахан көмөнү оҥордулар. Чурапчылар Арассыыйа ханнык баҕарар таһымнаах дьокутааттарыгар холобур буолар хорсун быһыыны көдөрдүлэр. Өрөспүүбүлүкэ улуустарын түмсүүлэрин сэбиэтин аатыттан Чурапчы улууһун дьокутааттарын бэрэссэдээтэлэ Афанасий Афанасьевич Захаровынан сирэйдээн, улуус бары дьокутааттарыгар сүһүөхтээх бэйэбит сүгүрүйэн туран махталбытын тиэрдэбит». Кырдьык да, улуус дьокутааттара түмсэн кэлэн, таатталар ыарахан кэмнэригэр көмө буолбуттара — бастыҥ холобур. Елена ПОТОЦКАЯ, «Саха сирэ» хаһыат. Хаартыска: taatta_news инстаграмтан. Оцени: +1 0 +1 0 +1 0 +1 0 +1 0 +1 0 +1 0
