Чурапчы бөҕөстөрө Саха сирин чөмпүйэнээтигэр хамаанданан бастакы миэстэни ыллылар
Кулун тутар 23-25 күннэригэр тоҕус томтордоох Чурапчыга ыытыллыбыт Николай Тарскай кэриэһигэр көҥүл тустууга Саха Өрөспүүбүлүкэтин 63-с чөмпүйэнээтигэр олохтоохтор үс кыһыл көмүс, түөрт үрүҥ көмүс мэтээли сэргэ Саха сирин норуоттарын спортивнай оонньууларыгар кыттар уон путевканы ылары ситистилэр.
edersaas.ru
Быйылгы чөмпүйэнээт биир уратытынан Саха сирин норуоттарын VII Спортивнай оонньууларыгар кыттар бастыҥ тустууктары сүүмэрдээһин буолла. Онон сыллата сытыы хапсыһыыларынан уратыланар түһүлгэҕэ улуустар чулууттан чулууларын туруордулар. Быйыл 33 хамаандаттан 300-чэкэ бөҕөс уон ыйааһыҥҥа күрэс былдьаста.
Арай Арассыыйа сүүмэрдэммит хамаандатын сборугар сылдьар Дмитрий Аксенов (Томпо), Виктор Рассадин (Орто Халыма), ону сэргэ бу эмиэ күннэргэ Болгарияҕа ыытыллыбыт «Дан Колов уонна Никола Петров» норуоттар икки ардыларынааҕы 56-с турнирга Белоруссия аатыттан кыттыбыт Владислав Андреев (Дьокуускай), Андрей Бекренев (Орто Халыма), Македонияттан тустубут Владимир Егоров (Амма) бу күрэхтэһиини көтүттүлэр. Румыния хамаандатыгар эрчиллиини саҕалаабыт Николай Охлопков (Сунтаар), Австралиҕа сылдьар Георгий Окороков (Амма) Чурапчы түһүлгэтигэр тахсыбатылар. Белоруссия чөмпүйүөнэ Ньургун Скрябин (Мэҥэ Хаҥалас) Саха сирин чөмпүйэнээтигэр эмиэ кыттыбата.
Чурапчытааҕы күрэхтэһии кэмигэр Монреаллааҕы Олимпийскай оонньуулар чөмпүйүөннэрэ, аан дойду үс төгүллээх чөмпүйүөнэ, Европа чөмпүйүөнэ Павел Пинигини 65 сааһынан чиэстээһин буолла. Ыҥырыылаах ыалдьытынан ССРС үтүөлээх тириэньэрэ Георгий Бураков сырытта.
Николай Тарскай кэриэһигэр көҥүл тустууга Саха Өрөспүүбүлүкэтин 63-с чөмпүйэнээтин кыайыылаахтара уонна призердара
57 кг (27 киһи)
1 Фёдор Постников (Чурапчы)
2 Пётр Копылов (Өлүөхүмэ)
3 Юрий Сыромятников (Томпо)
3 Алексей Копылов (Мэҥэ Хаҥалас)
5 Казимир Захаров (Бүлүү)
5 Быйаман Яковлев (РССС)
61 кг (31 киһи)
1 Арыйаан Тютрин (Уус Алдан)
2 Айтал Захаров (Чурапчы)
3 Семён Владимиров (Таатта)
3 Валентин Судинов (Амма)
5 Алексей Погодаев (Алдан)
5 Роберт Оконешников (Орто Халыма)
65 кг (29 киһи)
1 Эдуард Григорьев (Чурапчы)
2 Айхаан Антонов (Нам)
3 Вячеслав Ефремов (Горнай)
3 Пётр Павлов (Уус Алдан)
5 Владислав Ефимов (Хаҥалас)
5 Айсен Потапов (Дьааҥы)
70 кг (27 киһи)
1 Егор Пономарёв (Чурапчы)
2 Игнат Андросов (Таатта)
3 Иван Ефремов (Горнай)
3 Дьулус Булатов (Хаҥалас)
5 Револий Самсонов (Сунтаар)
5 Айтал Михайлов (Мэҥэ Хаҥалас)
74 кг (26 киһи)
1 Константин Власов (Мэҥэ Хаҥалас)
2 Алексей Захаров (Чурапчы)
3 Герман Устинов (Амма)
3 Ньургустаан Брощев (Бүлүү)
5 Тимур Николаев (Үөһээ Бүлүү)
5 Виктор Степанов (Бүлүү)
79 кг (28 киһи)
1 Олег Чернов (Томпо)
2 Дмитрий Шадрин (Орто Халыма)
3 Айсен Копырин (Уус Алдан)
3 Роберт Сидоров (Дьааҥы)
5 Стив Попов (Чурапчы)
5 Эрхаан Соркомов (Горнай)
86 кг (23 киһи)
1 Игорь Софронеев (Нам)
2 Семён Аммосов (Чурапчы)
3 Софрон Софронов (Мэҥэ Хаҥалас)
3 Сергей Шарин (Орто Халыма)
5 Александр Филиппов (Таатта)
5 Станислав Степанов (Үөһээ Бүлүү)
92 кг (23 киһи)
1 Иннокентий Иннокентьев (Үөһээ Бүлүү)
2 Кузьма Сивцев (Нам)
3 Александр Халыев (Таатта)
3 Ньургун Сергин (Сунтаар)
5 Антон Корякин (Чурапчы)
5 Николай Алексеев (Дьокуускай)
97 кг (25 киһи)
1 Максим Толмачёв (Дьокуускай)
2 Александр Оконешников (Чурапчы)
3 Андрей Шишин (Мирнэй)
3 Семён Семёнов (Өлөөн)
5 Василий Ефимов (Амма)
5 Антон Мархинцев (Томпо)
125 кг үөһэ (25 киһи)
1 Евгений Алексеев (Уус Алдан)
2 Андрей Аронов (Мирнэй)
3 Сергей Семёнов (Нам)
3 Фёдор Иванов (Эдьигээн)
5 Виталий Тимофеев (Томпо)
5 Василий Афанасьев (Ньурба)
Роман Попов, «Саха сирэ» хаһыат,edersaas.ru
Хаартыска Интэриниэттэн ылылынна.