Тохсунньу 21 күнүгэр Чурапчы улууһугар Д.П.Коркин аатынан Олимпийскай саппаас өрөспүүбүлүкэтээҕи спортивнай орто оскуола-интэринээт үөрэнээччилэрэ уонна үлэһиттэрэ астан сүһүрбүттэрэ биллибитэ.
СӨ Роспотребнадзор управлениета сүһүрүү биричиинэтин билээри тута бэрэбиэркэни ыытта.
Тохсунньу 22 күнүнээҕи туругунан, 22 киһи, ол иһигэр 19 үөрэнээччи уонна үс улахан киһи ыарыйда. Кинилэртэн 20 киһи балыыһаҕа эмтэнэ киирдэ. Ыарыһахтар туруктарын “орто истиэпэннээҕинэн” сыаналыыллар.
Оскуола ас бэлэмниир блогуттан ууттан, бэлэм бородууксуйаттан, үлэһиттэртэн тустаах анаалыстары ыллылар. Барыларын кэтээн көрөллөр. Эпидемиология чинчийиитэ салгыы ыытыллар, СӨ Роспотребнадзор управлениета балаһыанньаны хонтуруолга ылла.
Надежда ЕГОРОВА, “Саха сирэ” хаһыат, edersaas.ru
+1
+1
+1
+1
+1
+1
+1