РФ Силиэстийэлиир кэмитиэтин Саха сиринээҕи управлениетын салайааччылара кэмиттэн кэмигэр улуустарга, оройуоннарга тиийэн, дьону кытта көрсөллөр.
Өйүүн, муус устар 11 күнүгэр, РФ Силиэстийэлиир кэмитиэтин Саха сиринээҕи управлениетын салайааччыта, юстиция генерал-майора Александр Заболиченко Чурапчы улууһугар тиийиэҕэ.
Александр Александрович Чурапчы сэлиэнньэтигэр күнүс 13.00 чаастан 15.00 чааска диэри бириэмэҕэ дьону биирдиилээн приемнуоҕа.
Приемнааһын РФ СК Саха сиринээҕи управлениетын Чурапчытааҕы салаатыгар, Карл Маркс уулуссатын 19-с нүөмэригэр, 2 этээскэ, 1 кабинекка буолуоҕа.
Бу төлөпүөннэргэ эрдэттэн эрийэн суруттарыҥ:
Дьокуускай куоракка — 8 (4112) 40-32-64, Чурапчыга — 8(41151) 41-1-04.
Ыйытыыларгыт силиэстийэ уорганнарын үлэтигэр, чопчу холуобунай дьыалаларга сыһыаннаах буолуохтаахтар.
Биһиги корр., «Саха сирэ» хаһыат, edersaas.ru
Хаартыска: РФ Силиэстийэлиир кэмитиэтин Саха сиринээҕи управлениета.