Коронавирус дьаҥа тарҕанан, кириип, ОРВИ туран, Чурапчы улууһун дьаһалтата маассабай муҥханы ыытары боборго быһаарынна. Бу туһунан улуус дьаһалтатын пресс-сулууспата иһитиннэрэр.
Чурапчы баһылыга Андрей Ноговицын социальнай ситимнэргэ быһа эпииргэ иһитиннрбитинэн, билигин улууска Мырыла нэһилиэгэр эрэ коронавируска сутуллуу түбэлтэтэ бэлиэтэнэ илик эбит. Бу нэһилиэк олохтоохторо баар миэрэлэри, хааччахтааныһыны барытын тутуһаллар, бэл, саас бултаабатахтар. Маныаха улуус баһылыга Мырыла баһылыга Мария Кронникова дьаһаллаах үлэтин бэлиэтээтэ.
Маны сэргэ Чурапчы баһылыга дьаһалтаҕа атын нэһилиэнньэлээх пуунтан кэлбит дьон туһунан иһитиннэрэллэригэр олохтоохторго туһаайан эттэ. Андрей Тимофеевич өссө төгүл дьаҥ кэмигэр тутуһуллуохтаах миэрэлэри санатта.
Быйыл Мэҥэ Хаҥалас улууһугар маассабай муҥха эмиэ бобулунна.
edersaas.ru
Хаартыска — dymontiger.livejournal.com
+1
+1
+1
+1
+1
+1
+1