Чурапчы улууһугар нэһилиэнньэлээх пууннары тупсарыыга араас хайысхалаах үлэ барар.
edersaas.ru
Бу туһунан улуус дьаһалтатын пресс-киинэ иһитиннэрэр. Ол курдук, кэлиҥҥи кэмҥэ киэҥник тэнийбит истиэнэ ойуута (мурал) бу улууска эмиэ тарҕанан эрэр. Кэрэхсэбиллээҕэ, бу интэриэһи тардар хайысханы оҕо саадын иитээччилэрэ саҕалаатылар.
— «Березка» оҕо уһуйаанын дьиэтин истиэнэтин уруһуйа кырачааннарга иитэр-үөрэтэр суолталаах», — диэн бэлиэтиир улуус баһылыга Андрей Ноговицын.
Оҕо саадын муралын » Березка» оҕо саадын сэбиэдиссэйэ Е. Егорова уонна иитээччи А. Слепцова уруһуйдаатылар. Истиэнэ уруһуйугар бэтэрээннэр сэбиэттэрэ, үлэһиттэрэ уонна оҕо саадын выпускниктара көмө харчынан өйөөтүлэр. Үөрэх дьылын уһуйаан кэрэ көстүүлээх көрсүөҕэ.
Елена ПОТОЦКАЯ, «Саха сирэ» хаһыат, edersaas.ru
Хаартыска — улуус дьаһалтатын пресс-киинэ.
+1
+1
+1
+1
+1
+1
+1