Ааспыт сыллааҕы түмүгүнэн, федеральнай судаарыстыбаннай сулууспалаахтар орто хамнастара 4% үрдээн, 115,7 тыһ. солкуобайга тэҥнэстэ. Бу туһунан «Российская газета» хаһыат суруйар.
Анивера Акимова, «Саха сирэ» хаһыат, https://edersaas.ru/
Бүгүҥҥү туругунан, Россияҕа орто хамнас 36 тыһ. солкуобайынан ааҕыллар. Онон, федеральнай чунуобунньуктар ыйдааҕы хамнастара орто кээмэйтэн үс төгүл үрдүк. Саха сиригэр орто хамнас 57 тыһ. солкуобайынан ааҕыллар. Мантан сылыктаатахха, олохтоох чунуобунньуктар хамнастара төһө эмэ үрдүк буолуон сөп. Бэрт сотору кэминэн, 2016 сыллааҕы дохуоттарын декларациятын оҥордохторуна, ким төһө үбү-харчыны аахсарын билиэхпит.
Статистика сыыппараларын сыымайдаатахха, саамай үрдүк хамнаһы РФ бырабыыталыстыбатын аппараатын үлэһиттэрэ ылаллар. Ыйга – 228,47 тыһ. солк. Оттон Россия бэрэсидьиэнин дьаһалтатын үлэһиттэрин орто хамнаһа 2016 сылга 218,65 тыһ. солкуобайынан ааҕыллыбыт. Федерация Сэбиэтигэр – 176,15 тыһ. солк., Судаарыстыбаннай Дуумаҕа – 154,85 тыһ. солк.
Анивера Акимова, «Саха сирэ» хаһыат, https://edersaas.ru/