Дьокуускай куорат уокуруктааҕы дьаһалтатын ыччакка уонна дьиэ кэргэн бэлиитикэтигэр управлениета куорат олохтоохторун ыам ыйын 7 күнүгэр «Өйдөбүнньүк чүмэчитэ» онлайн-аахсыйаҕа кыттарга ыҥырар.
Урукку сылларга аахсыйа Кыайыы болуоссатыгар киэҥ далааһыннаахтык ыытыллар этэ. Былырыын аахсыйаҕа 15 тыһыынча киһи кыттыбыта бэлиэтэммитэ.
Быйыл коронавирус пандемиятынан сибээстээн, Кыайыы күнүн иннинэ, ыам ыйын 7 күнүгэр, дьиэбитигэр олорон аахсыйаҕа кыттыахпыт, Аҕа дойду улуу сэриитигэр олохторун толук уурбут дьону өйдөөн-санаан ааһыахпыт. Аахсыйаҕа өрөспүүбүлүкэ бары олохтооҕо кыттыан сөп.
Аахсыйаҕа кыттыан баҕалаахтар ыам ыйын 7 күнүгэр 21:00 чааска түннүк аттыгар банаар, остуол лаампатын, төлөпүөн банаарын холбоон, ол аттыгар сэриигэ кыттыбыт аймаххыт хаартыскатын ууран, ону хаартыскаҕа түһэрэн, #СвечаПамятиЯкутск2020 диэн хэштегтээн социальнай ситимнэргэ угуҥ.
edersaas.ru
Хаартыскалар — интэриниэттэн.
+1
+1
+1
+1
+1
+1
+1