Ытыктабыллаах Дьокуускай куорат олохтоохторо уонна ыалдьыттара!
“Чолбон” сурунаал эрэдээксийэтэ бэс ыйын 28 күнүгэр Бэчээт дьиэтин остолобуойугар “Чолбон” байым бэлэхтээх сандалыта” диэн 90 бырыһыаҥҥа диэри чэпчэтиилээх атыы-эргиэн тэрээһинигэр ыҥырар.
Бу күн “Чолбон” байым бэлэхтээх сандалыта” диэн шведскэй остуолтан күнүс 4 чаастан киэһэ 8 чааска диэри “Чолбон” сурунаал 2000 сылтан 2018 сылга диэри нүөмэрдэрин, “Сэмсэ” сыһыарыыны уонна да атын кинигэлэри баара-суоҕа үс мөһөөххө көтөх муҥунан атыылаһыаххытын сөп. Онно саха литературатын историятын, сайдыытын сырдатар, биллиилээх суруйааччылар тустарынан кэрэхсэбиллээх ыстатыйалар, Наталья Харлампьева, Иван Мигалкин, Сиэн Кынат, Саргы Куо, Умсуура, Сайа, Байаҕантай, Борис Павлов, Гаврил Андросов, Рустам Каженкин, Зинаида Архипова, Александра Попова-Долгура, Дорҕоон-Дохсун Борогууһун уо.д.а. хомоҕой хоһоонноро, Николай Лугинов, Сэмэн Тумат, Харысхал, Куорсуннаах, Сиэн Өкөр, Анатолий Слепцов, Данил Макеев, Айысхаана, Галина Нельбисова, Огдо, Аграфена Кузьмина о.д.а. кэрэ кэпсээннэрэ, сэргэх сэһэннэрэ, саҥа романнара, литературнай кириитиктэр уус-уран айымньылары ырытыылара о.д.а. баай ис хоһоонноох публицистическай матырыйааллар бааллар.
Кэлиҥ, сылдьыҥ, атыылаһыҥ! Сахалыы уус-уран литература сайдыытыгар сүдү өҥөлөөх “Чолбон” сурунаалы төһө кыайаргытынан сүгэн-көтөҕөн барыҥ!
+1
+1
+1
+1
+1
+1
+1