Бүгүн хоту сытар Аллайыаха улууһун Чокуурдаах сэлиэнньэтигэр оҕо бибилэтиэкэтигэр Сир күнэ диэн бэрт сэргэх тэрээһин буолла.
Манна Чокуурдаах алын сүһүөх оскуолатын 2 уонна 3 кылаастарын үөрэнээччилэрэ көхтөөхтүк кытыннылар. Бибилэтиэкэр Альбина Майзик бу бырааһынньык устуоруйатын оҕолорго кэпсээтэ. Госиниспиэктэр Семен Павлов Сир күнүгэр анаммыт презентацияны көрдөрө-көрдөрө бу күн суолтатын быһаарда, Ийэ сиргэ харыстабыллаахтык сыһыаннаһарга ыҥырда. Экологияны судаарыстыбаннай кэтээн көрүүгэ Аллайыахатааҕы иниспиэксийэ начаалынньыга Татьяна Стрюкова сир, уу, кыыл-сүөл туһунан интэриэһинэй викторинаны ыытта. Оҕолор олус сөптөөхтүк хоруйдаатылар.
Бэлэмнээтэ Женни Стрюкова
Хаартыска: тустаах иниспиэксийэ ыытта
+1
+1
+1
+1
+1
+1
+1