Айылҕа харыстабыла Маны аах

Чокуурдаахха санитарнай ыраастаныы икки ыйа уһатылынна

Чокуурдаахха бэҕэһээ маассабай субуотунньук буолла. Субуотунньук туох сыаллаах ыытылынна?

Аллайыаха улууһун Чокуурдаах бөһүөлэгэр санитарнай ыраастаныы икки ыйа уһатылынна. Маннык дьаһалы улуус баһылыга Я.Елисеев таһаарда. Онон ыраастаныыны атырдьах ыйын 15 күнүгэр диэри ыытыахтара. Субуотунньук хас чэппиэр аайы эбиэттэн киэһэ тэриллиэҕэ.

Бэҕэһээ “СӨ ОДьКХ” ГУ Аллайыахатааҕы филиала, “Сахааэроконтроль” тэрилтэ, тыа хаһаайыстыбатын управлениета, олохтоох дьаһалта, экология иниспиэксийэтэ, “Друзья природы-2022” оҕо экологическай десанын оҕолоро, ИДьУо улуустааҕы отдела көхтөөхтүк үлэлээтилэр. Кинилэр аэропуортан саҕалаан дьаһалтаҕа диэри сири-уоту ыраастаатылар. Тиэхиньикэнэн хааччыйдылар: ОДьКХ филиала, “Очаг-2020”  ХЭТ, “Арктика суоллара” тэрилтэ.

Этэргэ дылы, былыргыттан мунньуллубут бөҕү-саҕы ыраастааһыҥҥа бөһүөлэк олохтоохторо бары кыттыахтаахтар. Бу үөһээ ааттаммыт тэрилтэлэр курдук атыттар эмиэ ылсыахтаахтар. Субуотунньуктары тэрийиигэ улуус, бөһүөлэк дьокутааттара эмиэ ылсыахтара диэн эрэнэллэр.

Бэлэмнээтэ Женни Стрюкова

Хаартыска: Экология улуустааҕы иниспиэксийэтиттэн

0
0
Telegram @edersaas20